Um ferðina

Siglt er frá Bíldudal og kajakróður undirbúinn. Allir fara í þurrgalla og farið yfir öryggisatriði. Skipinu er lagt fyrir akkeri og kajakarnir sjósettir.

Leiðsögumaður fylgir hópnum í róðrinum og tiltækur er léttbátur ef á þarf að halda. Róið er meðfram klettóri strönd og komið að nesi, þar er ekki ólíklegt að lundar láti sjá sig og aðrir sjófuglar. Botninn er fallegur á þessu svæði svo og ströndin. Róið er áfram inn að sellátri þar sem landselur heldur sig. Forvitnir selir munu athuga með þessa ferðalanga og gaman er að fylgjast með þessum sund görpum. Ef veður er gott er komið við hjá Gíslaskeri áður en farið er um borð í móðurskipið aftur og haldið heim á leið.

Við eigum ekki þurrgalla á yngstu börnin, þannig að þau geta ekki farið með á kajak í þurrgalla.